- axborot to'plash va ularni ommaviy axborot vositalariga, davlat organlariga, muassasalarga, korxonalarga va tashkilotlarga, jamoat birlashmalariga, shuningdek, respublikadagi va uning tashqarisidagi xususiy kishilarga yetkazib berish;
- har bir fuqaroning har qanday masala yuzasidan, avvalo, O'zbekiston Respublikasi davlat hokimiyati oliy organlari faoliyati, ularning ichki va tashqi siyosati masalalariga doir haqqoniy va aniq axborot olishdan iborat qonuniy huquqini amalga oshirish;
- axborot to'plash va tarqatishga doir o'z faoliyatini siyosiy tashkilotlar va jamoat tashkilotlaridan mustaqil ravishda, O'zbekiston Respublikasining davlat manfaatlarini nazarda tutib hamda voqealarni xolis va har tomonlama yoritish printsiplariga, turmushni butun choralar bilan demokratiyalash va odamiy munosabatlarni insonparvarlashtirish negizida jamiyatni jipslashtirish vazifalariga muvofiq ravishda amalga oshiradi.
|
- rasmiy va o'zga axborotlarni to'playdi hamda uni tijorat asosida O'zbekiston Respublikasida va chet ellarda tarqatadi;
- O'zbekiston Respublikasida va chet ellarda axborotnomalar, ro'znomalar, kitoblar, oynomalar, boshqa matbaa mahsulotlarini, kompyuter, foto va audiovizual mahsulotlarni nashr etadi hamda obuna yo'li bilan va chakana savdo orqali tarqatadi;
- o'zining mavjud mablag'lari doirasida O'zbekiston Respublikasida va chet ellarda axborot markazlarini, bo'limlari va muxbirlik punktlarini mustaqil ravishda ta'sis etadi, qayta tashkil etadi va tugatadi;
- barcha turdagi axborotlarni to'plash va tarqatish masalalari yuzasidan xalqaro aloqalarni amalga oshiradi; xorijdagi axborot agentliklari ish tajribasini o'rganadi;
- boshqa agentliklar, shu jumladan, xorijiy agentliklar, ommaviy axborot organlari bilan axborotlarni ayirboshlash shartlari yoki tijorat shartlari bilan barcha turdagi axborotlarni yetkazib berish (qabul qilib olish) to'g'risida, ishlab chiqarish va boshqa sohalarda hamkorlik qilish haqida shartnomalar tuzadi.
|
