|
«O’zdavneftgazinspeksiya» o’ziga yuklangan vazifalarga muvofiq quyidagi funksiyalarni bajaradi:
• yuridik shaxslar tomonidan neft mahsulotlari va gazdan foydalanilishini, ularning sotilishini, sifat va miqdor jihatidan saqlanishini, shuningdek neft, gaz va gaz kondensatini qazib olish, qayta ishlash, uzatish, saqlash obyektlarini (qurilmalarini) montaj qilish va ulardan foydalanishda texnologiya talablariga rioya etilishini belgilangan tartibda tekshiradi;
• gazdan belgilangan maqsaddan tashqari foydalanilishiga yo’l qo’ymaslik hamda mulkchilik shakllaridan qat’iy nazar, gaz iste’molchilari (aholidan tashqari) o’zboshimchalik bilan o’rnatib olgan gazdan foydalanish qurilmalarini aniqlash yuzasidan gaz sotuvchi tashkilotlar va gaz uzatish tashkilotlari ishlarini belgilangan tartibda nazorat qiladi;
• yuridik shaxslarning yonilg’i iste’mol qiluvchi qurilmalarida ishga tushirish va rejim-sozlash ishlarini bajarish sifatini belgilangan tartibda tekshiradi;
• energiyani tejovchi davlat dasturlarini, neft, gaz, gaz kondensati va ularni qayta ishlash mahsulotlaridan foydalanish masalalari bo’yicha loyihalar va tadbirlarni ishlab chiqishda qatnashadi va ularning amalga oshirilishini nazorat qiladi;
• neft mahsulotlari va gazdan foydalanish, ularni sotish, shuningdek neft, gaz va gaz kondensatini qazib olish, qayta ishlash, uzatish, saqlash obyektlarini (qurilmalarini) montaj qilish va ulardan foydalanish bo’yicha zarur normativ hujjatlarni ishlab chiqishda qatnashadi, qonun hujjatlarida belgilangan hollarda ularga rozilik beradi;
• «O’zdavneftgazinspeksiya» vakolatiga kiruvchi masalalar bo’yicha normativ hujjatlar va qoidalar yuzasidan ekspert xulosalar beradi hamda ularni kelishib oladi;
• Vazirlar Mahkamasining neft, gaz hamda gaz kondensati qazib chiqarish, qayta ishlash va sotish, neft mahsulotlarini sotish, magistral gaz quvurlari, neft quvurlari va neft mahsulotlari quvurlarini loyihalashtirish, qurish, ulardan foydalanish va ularni ta’mirlash faoliyatini litsenziyalash komissiyalari ishida qatnashadi;
• neft mahsulotlarini AYOQSh va moy almashtirish shoxobchalari orqali sotish faoliyatini listenziyalash bo’yicha hududiy komissiyalar ishchi organi funksiyalarini bajaradi;
• neft-gaz tarmog’i texnologik obyektlarining ishdan chiqish sabablarini tekshirish komissiyalarining ishida, ko’rsatib o’tilgan ob’ektlar ishdan chiqishining oldini olish va ularning ishonchliligini oshirish tadbirlarini ishlab chiqishda qatnashadi;
• attestastiya komissiyalari hamda neft-gaz texnologik obyektlarini, neft bazalarini, AYOQSh, AKGTSh va AGQShlarni loyihalash, montaj qilish, sozlash va foydalanishga topshirishni amalga oshiruvchi xo’jalik yurituvchi subyektlar muhandis-texnik xodimlarining normalar va qoidalarga doir bilimlarini tekshirish komissiyalari ishida qatnashadi;
• qurilish, rekonstruksiya qilish, mukammal ta’mirlash tugallanganda yoqilg’idan foydalanuvchi bir yilda 100 000 va undan ortiq kubometr tabiiy gazdan foydalanuvchi korxonalar va neft-gaz texnologik obyektlari (qurilmalar)ga asbob-uskunalarni kompleks sinab ko’rish, rejim-sozlash ishlari va tabiiy gaz vosita sifatida qo’llanganda gaz quvurlarini tozalash ishlari uchun gaz uzatishga ruxsatnoma beradi.
• qurilishi tugallangan neft-gaz texnologik obyektlari, neft va gaz quduqlari, neft bazalari, avtoyonilg’i quyish shoxobchalari, avtomobillarga kompressor vositasida gaz to’ldirish shoxobchalari va avtomobillarga gaz to’ldirish shoxobchalarini texnik ko’rikdan o’tkazadi va ularni foydalanishga qabul qilish komissiyalari ishida ishtirok etadi.
|
Quyidagilar «O’zdavneftgazinspeksiya»ning vazifalari hisoblanadi:
• neft mahsulotlari va gaz sotish hamda ulardan foydalanish bo’yicha qonun hujjatlari va boshqa normativ-huquqiy hujjatlarning bajarilishini nazorat qilish;
• energiyani tejovchi davlat dasturlarini, neft, gaz, gaz kondensati va ularni qayta ishlash mahsulotlaridan foydalanish masalalari bo’yicha loyihalar va tadbirlarni amalga oshirish;
• neft, gaz va gaz kondensatini qazib olish, qayta ishlash, uzatish, saqlash obyektlarini (qurilmalarini) montaj qilish va ulardan foydalanishda texnologiya talablariga rioya etilishini nazorat qilish;
• neft mahsulotlari va gazdan foydalanish, ularni sotish, shuningdek neft, gaz va gaz kondensatini qazib olish, qayta ishlash, uzatish, saqlash obyektlarini (qurilmalarini) montaj qilish va ulardan foydalanish bo’yicha normativ hujjatlarni ishlab chiqish.
|
