Xizmatni ko`rsatish uchun kerak bo`ladigan hujjatlar

- litsenziya berish to'g'risida ariza, unda quyidagilar ko'rsatiladi:

yuridik shaxs uchun - yuridik shaxsning nomi va tashkiliy-huquqiy shakli, uning joylashgan joyi (pochta manzili), bank muassasasining nomi va bank muassasasidagi talab qilib olinadigan depozit hisob raqamlari, muassislar (qatnashchilar) ro'yxati, ularning manzili va faoliyat turlari; faoliyatning litsenziya talabgori amalga oshirishni mo'ljallayotgan litsenziyalanayotgan turi;

- yuridik shaxs davlat ro'yxatidan o'tkazilganligi to'g'risidagi guvohnomaning nusxasi;

- litsenziya talabgori arizasining litsenziyalovchi organ tomonidan ko'rib chiqilishi uchun yig'imning litsenziya talabgori to'laganligini tasdiqlovchi hujjat;

- litsenziya talabgori shtatida turgan ushbu Nizomda nazarda tutilgan miqdordagi baholovchilar malaka sertifikatlarining tasdiqlangan nusxalari;

- baholovchilarni ishga qabul qilish to'g'risidagi buyruqlarning tasdiqlangan nusxalari;

- pul mablag'larining ustav kapitaliga o'tkazilganligini tasdiqlovchi hujjatlar nusxalari (buxgalteriya hisobi to'g'risida amaldagi qonun hujjatlariga muvofiq boshlang'ich hisobga olish hujjatlari nusxalari);

- o'z baholovchilari ishlari sifatini nazorat qilishning tasdiqlangan ichki qoidalari nusxalari.

Xizmatni ko`rsatishning huquqiy asosi

Vazirlar Mahkamasining 2003 yil 8 maydagi 210-son "Baholash faoliyatini litsenziyalash to'g'risida"gi qarori

Xizmat narxi va to`lash tartibi

Litsenziya talabgorining litsenziya berish to'g'risidagi arizasi ko'rib chiqilganligi uchun eng kam oylik ish haqining ikki baravari miqdorida yig'im undiriladi.

Xizmatni ko`rsatish muddati

Litsenziyalovchi organ ekspert komissiyasi xulosasi asosida uch kun muddatda litsenziya berish yoki litsenziya berishni rad etish to'g'risida qaror qabul qiladi.

Natijani olish usullari

Litsenziya berishga qaror qilganligi to`g`risidagi bildirishnoma litsenziya talabgoriga bank hisob raqami rekvizitlari, davlat boji to`lash muddati ko`rsatilgan holda yozma shaklda yuboriladi. (topshiriladi)

Xizmat natijasi

Baholash faoliyatini amalga oshirish uchun litsenziya amal qilish muddati cheklanmasdan beriladi.

Rad etish sabablari

Litsenziya berish «Faoliyatning ayrim turlarini litsenziyalash to'g'risida»gi O'zbekiston Respublikasi Qonunining 17-moddasida nazarda tutilgan asoslar bo'yicha rad etilishi mumkin.

Shikoyat arizasi berish tartibi

Litsenziya talabgori litsenziyalovchi organning litsenziya berishni rad etish to'g'risidagi qarori, shuningdek litsenziyalovchi organ mansabdor shaxsining xatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.