Xizmatni ko`rsatish uchun kerak bo`ladigan hujjatlar

Yuridik shaxslar uchun

- yuridik shaxsning davlat ro‘yxatidan o‘tkazilganligi to‘g‘risidagi guvohnomaning nusxasi;

- shakllantirilgan ustav fondi miqdori to‘g‘risida dalolat beruvchi hujjatning nusxasi;

- belgilangan tartibda ishchi organ yoxud bunday vakolat berilgan idoraviy mansub tashkilot tomonidan belgilangan tartibda berilgan yuridik shaxslarning xodimlari va gidlar (ekskursovodlar)ning malaka sertifikatlari nusxalari;

- to'lov kvitanziyasi nusxasi

Yakka tartibdagi tadbrikorlar uchun:

- yakka tartibdagi tadbirkorning davlat ro‘yxatidan o‘tkazilganligi to‘g‘risidagi guvohnomaning nusxasi;

- shakllantirilgan ustav fondi miqdori to‘g‘risida dalolat beruvchi hujjatning nusxasi;

- belgilangan tartibda ishchi organ yoxud bunday vakolat berilgan idoraviy mansub tashkilot tomonidan belgilangan tartibda berilgan yuridik shaxslarning xodimlari va gidlar (ekskursovodlar)ning malaka sertifikatlari nusxalari;

- to'lov kvitansiyasi nusxasi

Xizmatni ko`rsatishning huquqiy asosi

O'zbekiston Respublikasining 1999-yil 20-avgustdagi 830-I sonli "Turizm to'g'risida" Qonuni;

O'zbekiston Respublikasi Vazirlar Mahkamasining 2003-yil 11-noyabrdagi "Turizm faoliyatini litsenziyalash to'g'risidagi nizomni tasdiqlash haqida" 497-sonli qarori;

O'zbekiston Respublikasi Vazirlar Mahkamasining 2014-yil 13-martdagi "Turizm faoliyatini amalga oshirish va litsenziyalash tartibini takomillashtirish chora-tadbirlari to'g'risida" 60-sonli qarori.

Xizmat narxi va to`lash tartibi

Eng kam oylik ish haqining 2,5 barobari

Xizmatni ko`rsatish muddati

30 kun

Natijani olish usullari

Javob xati Yagona portal orqali "foydalanuvchi kabinetiga" yuboriladi

Xizmat natijasi

Turizm faoliyatini amalga oshirish huquqini beruvchi litsenziyani berish yoki berishni rad etish, qayta rasmiylashtirish haqidagi qarorni qabul qilish.

Yuridik shaxslar uchun - Mehmonxona xizmatlari, Turoperatorlik xizmatlari.

Yakka tartibdagi tadbirkor - Ekskursiya xizmatlari.

Rad etish sabablari

Agar litsenziat litsenziya berish to'g'risida qaror qabul qilinganligi haqidagi bildirishnoma yuborilgan (topshirilgan) vaqtdan boshlab uch oy mobaynida ishchi organ bilan litsenziya bitimini imzolamasa, Komissiya litsenziyani bekor qilish to'g'risida qaror qabul qilishga haqlidir.

Litsenziya berish «Faoliyatning ayrim turlarini litsenziyalash to'g'risida»gi O'zbekiston Respublikasi Qonunining 17-moddasida nazarda tutilgan asoslar bo'yicha ham rad etilishi mumkin

Shikoyat arizasi berish tartibi

Litsenziya talabgori litsenziya berishni rad etish to'g'risidagi qaror, shuningdek ishchi organ mansabdor shaxsining xatti-harakati (harakatsizligi) yuzasidan qonun hujjatlarida belgilangan tartibda shikoyat qilish huquqiga egadir.