Xizmatni ko`rsatish uchun kerak bo`ladigan hujjatlar

Vaqtinchalik chet elga chiqish uchun ruxsat berish yozuvining yopishtiriladigan stikerini rasmiylashtirish uchun doimiy ro'yxatda turgan joylari bo'yicha XChKvaFR bo'linmasiga Yagona portla orqali o'rnatilgan tartibda to'ldirilib, chop etiladigan maxsus shakldagi ariza-anketa (yuklab olish) taqdim etiladi. Arizachi chop etilgan arizani ish va o'qish joyida, ishsizlar esa fuqarolarning o'zini-o'zi boshqarish organlarida tasdiqlatadi hamda ilovaga muvofiq (yuklab olish) qolgan zarur hujjatlar bilan birgalikda doimiy ro'yxatda turgan joylari bo'yicha XChKvaFR bo'linmasiga shaxsan murojaat etgan holda taqdim etadi.

Xizmatni ko`rsatishning huquqiy asosi

• O'zbekiston Respublikasi Vazirlar Mahkamasining "Davlat boji stavkalari haqida" 1994 yil 3 noyabrdagi 533-son qarori.

• O'zbekiston Respublikasi Vazirlar Mahkamasining "O'zbekiston Respublikasi fuqarolarining chet elga borishlari tartibini va O'zbekiston Respublikasining diplomatik pasporti to'g'risidagi nizomni tasdiqlash haqida" 1995 yil 6 yanvardagi 8-son qarori.

• O'zbekiston Respublikasi Vazirlar Mahkamasining "O'zbekiston Respublikasi fuqarosining biometrik pasportini va 16 yoshga to'lmagan shaxslar uchun fuqaroligi bo'lmagan shaxslarning harakatlanish hujjatini berish tartibi to'g'risidagi nizomni tasdiqlash haqida" 2011 yil 7 iyuldagi 200-son qarori.

• O'zbekiston Respublikasi Vazirlar Mahkamasining "Chet elga borish uchun ruxsat berish yozuvining yopishtiriladigan stikerini tasdiqlash to'g'risida" 2002 yil 25 maydagi 181-son qarori.

Xizmat narxi va to`lash tartibi

Vaqtinchalik chetga borishga ruxsatnoma olish uchun eng kam oylik ish haqqining 50% miqdorida davlat boji undiriladi.

Xizmatni ko`rsatish muddati

Doimiy ro'yxatda turgan joylari bo'yicha XChKvaFR bo'linmasi:

• Fuqaroning murojaatini 15 ish kuni mobaynida ko'rib chiqadi va chet elga chiqish huquqiga cheklovlar uchun asos bo'lmagan taqdirda uning pasportiga stiker yopishtiradi.


• Amal qiladigan stiker haqiqiy bo'lmagan pasportdan yangi pasportga ko'chirilgan hollarda, ushbu stikerni rasmiylashtirish muddati - 7 ish kunida.


• Chet elga xizmat safariga borayotgan fuqarolarga, ular ishlaydigan tashkilotlarining mulkchilik shakllaridan qat'i nazar, chet elga chiqish huquqini cheklashlar uchun asos bo'lmagan taqdirda, stikerni rasmiylashtirish uchun hujjatlarni ko'rib chiqish muddati - 10 ish kunida.


• O'zbekiston Respublikasidan tashqariga chiqishni talab qiladigan shoshilinch davolanish zaruriyatini, og'ir kasallik holatlarini yoki yaqin qarindoshi vafot etganligini tasdiqlovchi hujjatlar mavjud bo'lganda fuqaroga va unga hamrohlik qiluvchi shaxslarga stikerni rasmiylashtirish muddati, chet elga chiqish huquqini cheklash uchun asos bo'lmagan taqdirda - 5 ish kuni.

Natijani olish usullari

Shaxsan. Har kuni soat 9-00 dan 20-00 ga qadar (dam olish va bayram kunlaridan tashqari).

Xizmat natijasi

Vaqtinchalik chet elga borish uchun ruxsat berish yozuvining yopishtiriladigan stikerini olish ucun ariza-anketasini to'ldirish va chop etish.

Rad etish sabablari

O'zbekiston Respublikasi Vazirlar Mahkamasining "O'zbekiston Respublikasi fuqarolarining chet elga borishlari tartibini va O'zbekiston Respublikasining diplomatik pasporti to'g'risidagi nizomni tasdiqlash haqida" 1995 yil 6 yanvardagi 8-son qarorining "Chet elga borish huquqidagi cheklashlar" III bo'limiga muvofiq.

Shikoyat arizasi berish tartibi

Arizachi sifatsiz koʻrsatilgan xizmat uchun va mas'ul xodimning e'tiborsizligi ustidan qonun doirasida yuqori turuvchi tashkilotlarga shikoyat yuborish huquqiga ega.